Outra
nova vitoria para nosas mozas, a pesar de que contaron con varias baixas para
afrontar este partido.
BALONCESTO CAMBRE: María Alonso (23 puntos), Noa Iglesias (20 puntos), Noa Abad (10 puntos), Carla Costa (-), Lucía González (6 puntos) - 5 inicial – Laura López (4 puntos) Noelia Senra (11 puntos), Marcela Vázquez (1 punto), Xulia Vidal (-).
Adestrador: Javier Prieto.
Los Rosales 05: C. Carou (-), L. Souto (3 ptos), S.
Otero (21 ptos), X. Rama (2 ptos), M. Morrogh-Bernard (-) – 5 inicial – C. Rey
(2 ptos), I. Balado (5 ptos), I. Gutiérrez (-), M. Leis (4 ptos), M. Cadavieco
(2 ptos), M. Sánchez (2 ptos).
Parciais: 15-4, 14-12, descanso, 26-12, 20-14.
Árbitros: D. Canosa e L. M. Popa. Sen
eliminadas.
Asistencia: Ao redor duns 50 espectadores deron
colorido ás bancadas do Sofía Toro (Cambre).
Incidencias: Baixas
de Candela Rodríguez, Sabela Pacheco e Lucía Martínez.
1º cuarto:
O partido comezaba con boas sensacións no
xogo pero cometendo máis erros dos que deberiamos cometer nas nosas
finalizacións no aro rival. O traballo defensivo das locais era bo e intenso,
non dando opcións de tiros cómodos ás coruñesas, as cales tiñan porcentaxes de
acerto moi baixos. As cambresas estaban máis cómodas cando eran capaces de
roubar e saír correndo rápido ao contraataque que cando xogaban en posicional (15-4, minuto 10).
2º cuarto:
O segundo cuarto comezou con menos
intensidade en defensa e dando máis facilidade ás visitantes, o que fixo que as
coruñesas crecesen en ataque, tendo máis ocasións e anotasen máis. As de Javi
Prieto tiñan problemas para pechar o rebote defensiva. En ataque posicional eramos capaces de rebotear e sacar moitas
vantaxes no 1 c1. As cambresas levaron este parcial tan igualado por unha
diferenza mínima, 14-12, pero as anfitrioas marcháronse ao descanso cunha
cómoda renda (29-16, minuto 20).
3º cuarto:
Á volta do descanso nosas xogadoras saíron
máis metidas que en partidos anteriores, máis intensas e facendo un gran
traballo nas finalizacións. Isto reflectíase no marcador e a diferenza era cada
vez máis ampla, realizando un dos mellores cuartos ofensivos do curso (26
puntos anotados) (55-28, minuto 30).
4º cuarto:
A pesar de chegar xa ao último cuarto e
contar cunha renda máis que cómoda, as locais non quixeron baixar a súa intensidade
defensiva, aínda que obviamente baixouse, sendo o cuarto no que máis puntos
encaixaron. En ataque conseguimos ver neste segundo tempo minutos de boa
circulación de balón e unha boa fluidez ofensiva (75-42).
A modo de conclusión toca dicir que foi un
partido moi bo das nosas e, facendo comparativa co partido da ida, leste foi un
duelo moito máis constante e onde tivemos menos altibaixos. Outros datos para
destacar son que 4 xogadoras anotaron en dobres díxitos, que Noa e María
combináronse para anotar 43 puntos, máis que todo o equipo rival xunto ou que
só 2 das nosas xogadoras non conseguiron anotar polo menos unha canastra.
Con este resultado, as cambresas afiánzanse na cuarta posición, cun
balance de 8 vitorias e 4 derrotas.
Xornada 13: Básquet Coruña Leyma C vs BALONCESTO CAMBRE.
Na
próxima xornada as cambresas tocaralles render visita ao líder invicto do
grupo, Básquet Coruña, sábado ás 18 horas no Ventorrillo.